Dash 8-at SAS-imeersut timmisartuusseqqilerput
Timmisartortitseqatigiiffiup SAS-ip timmisartuutai Dash 8-mik taaneqartartut timmisartuusseqqilerput.
Dash 8-at assakaasui sapaatip-akunneri pingasut matuma siornatigut Aalborgimi Vilniusimilu ajutooreersullu SAS-imit timmisartuusseqqusaajunnaaraluarput, assakaasulli taarserneqareersullu maanna timmisartuusseqqilerlutik.
Ullut arfineq-marluk qaangiupput Dash 8-at ingerlaaqqilermatali maannamullu timminermut atatillugu pingasoriarluni pisoqareerpoq.
- Sapaatip-akunnerup ataatsip iluani pisut pingasuunerat nalinginnaasuunngilaq, aarlerinartoqanngimmalli Dash 8-at timmisartuusseqqilersinnaanissaat aalajangerparput, Thorbjørn Ancker Statens Luftfartsvæsenimeersoq Ritzau-ip nutaarsiassaqartitsivianut oqarpoq.