DASH-8-p Nuup mittarfiani juullikkunni ajutoornera soqutigineqarluartoq
Standby.dk-mi juullikkunni sulinngiffeqareerlutik sulileqqimmata, nittartagaq atuartartunit soqutigineqarluarpoq. Januaarimi sapaatip akunnera siulleq tamakkerlugu Nuup mittarfiani timmisartoq DASH-8, mittarfiup quasannera pissutigalugu, mittarfiup avataanut sisoortoq pillugu allaaserisaq atuarneqarnerpaavoq.
Aamma atuaruk Timmisartoq Nuummi mittarfimmi sisusoorpoq
Tamannalu timmisartup DASH 8-p Kalaallit Nunaata silaanut tulluannginneranik oqallinneq sakkortusiteqqippaa, timmisartup anorimut malussarinnera oqallisaalluni. Tamannali isumaqatigiinngissutaavoq. Oqallisaasoq Air Greenlandimut mianernartuusoq, Standby.dk-mi allapput.
Aamma atuaruk Nuummi timmisartoq sisummat pissanganartoqarsimanngilaq
Timmisartortitseqatigiiffiup allap ajutoornera, Stand By-imi atuarneqarnerpaamut tulliuvoq. Oqaluttuaq taanna pinartorsuunngikkaluartoq, tamatuma 2014-imi qallunaat nunaanni timmisartunik angallassisartunut qanoq ilungersunartigisimasoq takutiinnarpaa.
Norskit timmisartuutileqatigiiffiata, Norwegianip kiffartuussivimmik allamik isumaqatigiissusiornera, nittartakkami atuarneqarnerit pingajoraat. Norwegian-imi tassaalersimavoq mittarfeqarfiit sullittagaat angisooq, mittarfeqarfinnilu suliffissaqartitsilluarnera maluginiarneqarluni.