Dash 8 angalaqqusaajunnaarput

Canadami silaannakkut angallannermi qullersaqarfiup, Transport Canada-p, timmisartunik Bombardier Dash 8-tut ittunik angalaqqusiunnaarut ullaaq naqissuserpaa.
Allattoq Oline I. Olsen
septembarip 13-at 2007 10:35

Timmisartut 10.000-iarlutik angalasimasut angalaqqinnginnissaannik siornatigut innersuunneqaraluartut, angalaqqinnginnissaat nunarsuaq tamakkerlugu maanna peqqussutinngortinneqarpoq.

Danmarkimi silaannakkut angallannermi qullersaqarfimmi pisortaq, Kurt Lykstoft Larsen, nutaarsiassaqartitsivimmut Ritzau-imut oqarpoq, Canadamiit Dash 8-nik angalaqqusiunnaarluni peqqussut nunarsuaq tamakkerlugu atuuttoq.

Transport Canada misissuisarnissanik ataqatigiissaarinissamik pilersaarutinik maanna nassiussuivoq. Maluginiarneqarnerpaavoq møtrikkeq hydraulikkimut atasoq ataaseq.

Misissugassaq taanna misissorneqareerpat timmisartut angalaqqinnissaat akornutissaqanngitsoq nalunaarutigineqaraluartoq, Danmarkimi Silaannakkut Angallannermi Qullersaqarfik nalunaarpoq tamanna naammaginagu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq