Dash 8 ajornartorsiulerluni Paamiunut mippoq.
Dash-8-mi aqutsisoq Nuummit qangattarnissani sioqqutingaatsiarlugu ilisimatinneqarpoq, timmisartup nassataasivianit pujortoqartoq.
Isumannaallisaaneq pinerullugu timmisartup aquttua aalajangerpoq Paamiut tungaanukaannarniarluni, taanna Narsarsuarmit qaninnerummat, ullaarlu nalunaaqutaq 8.23 nunnippoq.
- Timmisartoq ajornaquteqanngitsumik nunnippoq, aamma ikuallattoqanngitsoq paasivarput, Paamiuni Politiit ulluinnarni pisortaat, Krister Nielsen, oqarpoq.
Ilumut ikuallattoqanngitsoq, aamma pujumik siaruaattoqanngitsoq, Air Greenlandimit uppernarsarneqarpoq.
Air Greenlandimili timmisartunik- iluarsaassisartoq, tassa mekanikeri, timmisartuaraq King Air atorlugu nalunartut pillugit Paamiuliartinneqarpoq, aqqarngullu missaani taqqavunga apuulluni, Dash 8-milu teknikkikkut suna ajoqutaanersoq maanna misissorpaa.
Timmisartumulli ilaasut 25-t, sulisullu pingasut, Paamiuni timmisartoqarfimmi suli utaqqipput, taakkuli ualeru Narsarsuarmut ingerlaqqinnissaat Air Greenlandip naatsorsuutigaa.
