Dash-7 Qaanaami orsiivissaqanngilaq

Air Greenlandip timmisartuutaa, Dash Seven, Qaanaami orsiivissaqanngilaq, ukiunilu arfineq-pingasuni imaasinerani qaammatit aappassaat avillugu orsussaqartarsimanngilaq. Taamaasilluni ilaasussat sisamaniit qulit tikillugit amerlassusillit niutinneqartariaqartarput.
aggustip 16-at 2008 13:23

-Qaanaami orsussaq ukiut tamaasa juulip naajartulerneraniit amigaataalersarpoq, tassami orsussanut tankit Qaanaamiittut mikivallaaramik, taamaasilluta kiffartuussinissamut pisussaaffitta Namminersornerullutillu Oqartussat isumaqatigiissuterput piviusunngortikkuminaatsittarparput, ukiuni arlalinni tamanna malugeqqusarsimavarput ilisimavaralu mittarfilli sananeqarmat Mittarfeqarfiit ilisimatitsissutigisimagaat tankit mikivallaartut. Christian Keldsen Air Greenlandimi ussassaarinermut tuniniaanermullu pisortaq oqarpoq.

Tassa qaammatit aappassaat avillugu sivisussusilimmik Qaanaap mittarfiani orsussaqartarsimanngilaq ukiuni arfineq-pingasunngortuni. Taamaasillugu uternissaq qulakkeerniarlugu ilaasussat ilaat assartugassallu nioorarneqartariaqartartut oqaatigaa. Ilaasummita qassit eqqugaasarpat?

-Kisitsisileruminaappoq, kisianni inuit sisamaniit qulit tikillugit amerlassusillit timminermi ataatsimi niutitaasinnaasarput, Christian Keldsen oqarpoq.

Inatsisartut attaveqarnermut ataatsimiitsitaliaanni siulittaasoq Godmand Rasmussen tamanna pillugu ima oqarpoq:

”Naalakkersuisunut immaqa toqqaannartumik saaffiginittoqartarsimavoq tassa taanna sanngeequtit annerpaartarivaat ataatsimiititaliamut ingerlaannartumik saaffiginnittoqarsimagaluarpat suliaq qangarsuarli suliarereersimassagaluarparput”.

Godmand Rasmussenip ataatsimiitsitaliamiit naalakkersuisunut pisoq tusarniaaviginiarlugu oqaatigaattaaq.