DASH 7-ip assakaasua silaannarmi katattoq

Timmisartoq Dash 7 ullumi ulloqeqqa qaangilaaraalu Kangerlussuarmit tingisoq, qangattatsiaannarluni ajoquserami Kangerlussuarmut utiinnartariaqarsimavoq.

Timmisartortartut Kangerlussuarmiit Aasiaat tungaanut aallariitsiarlutik paasivaat timmisartup assakaasuisa marluusut aappaa, talerperleq, ajoquteqartoq.

Timmisartup assakaasuisa talerpilliit aappaat katassimasoq Air Greenland-imi, teknikerit pisortaat Peter Bjerre oqaluttuarpoq.

Timmisartorli annerusumik perlasinani uterami ajornaquteqanngitsumik mippoq.

- Timmisartoq illuinnarmik assakaasoqarluni missinnaanngorlugu sananeqarnikuuvoq, Peter Bjerre erseqqissaavoq

Assakaasup katassinnaanera qaqutigoortuusoq Peter Bjerre oqarpoq, tamannalu pillugu ullumi pisoq annertunerusumik nassuiaatissaqartinngikkallarnerarpaa.

Qanorli pisoqarsimanersoq paasiniarneqartoq oqarpoq.

Timmisartoq Dash 7, 21-inik ilaasoqarsimavoq, taakkulu Kangerlussuarmi unnuisinneqassapput aqagu ullaakkut ingerlaffissaminnut apuunneqassallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat