Darfurimi ikiuiniarneq ajornarsigaluttuinnartoq
Sudanimi Darfurimi inunnik ikiuiniarneq ajornarsigaluttuinnarpoq. Naalagaaffiit Peqatigiit taama ilisimatitsipput. Darfurimi akersuunnerit ukiut tallimat matuma siornatigut aallartipput, pissutsillu aatsaat taama ajorsitigisimasut nalunaarutigineqarluni. Ilami piffissami kingullermi saassussisaqattaarnerit inuit 50.000-it qimarrannerannik kinguneqarsimapput.
Sorsukkumatuut saassusseqattaarput, illoqarfeeqqallu ikuallatsinneqartarlutik. Saassussisarnerit inuit maannamut 2,5 miliuunit angerlarsimaffeerunnerannik kinguneqarsimapput, inuillu ikinnerpaamik 200.000-it toqunerannik kinguneqarsimallutik.
Sakkutuut Darfurimi eqqissisimatitsiniartussat 26.000-iunissaat siunniunneqarnikuugaluartoq, suli anguneqanngilaq, ajornartorsiutillu annertusigaluttuinnarlutik.