Afrikami Sudan-ip illoqarfiisa ilaanni Darfur-imi eqqissineqartussanngorunarpoq. Sudan-imi naalakkersuisut Afrikami nunat peqatigiit eqqissineqarnissamik siunnersuutaat ullumi akueraat.
Arabiamiut sakkutuui sudanimiunit tapersersorneqartut afrika-miullu Darfur-imi akersuupput. Akersuunnerit ukiut pingasut qaangiummata aallartipput, ilimagineqarporlu inuit 30.000-t tungaanut toqutaasimassasut, millionilippassuillu qiimaasimassasut.
Afrikami nunat peqatigiit Darfurimi eqqissisaasussanik sakkutooqartitsivoq, tamannali iluaqutaavallaarsimanngilaq toqoraanerit unissimanngimmata.
USA-mit oqaatigineqarpoq nunami inuiannik toqoraasoqartoq, piumasarisimavaallu Naalagaaffiit Peqatigiit Darfur-imi sakkutuuliissasut.