Danskit tuusintillit qimarrapput

juulip 19-at 2006 10:38

Danskit 2150-it kangianit qiterlermiit maannakkorpiaq angerlarartinneqarput.

Taakunannga 1050-it Damaskusimiit timmisartorlutik aallarartinneqarput. Allallu 1100-t kingusinnerusukkut timmisartumik Danmarkiliartinneqarnissaat naatsorsuutigineqarpoq.

Danskit allat 500-t umiarsuarmik Beirut-imiit Cypern-iliaanneqarput. Taakkua Cypernimiit timmisartortinneqarlutik angerlartinneqassasut, nunanut allanut ministeeriaqarfik nalunaarpoq. Libanon-imi sorsuuffiup eqqaani Sidon-imi ulorianarnerpaamiittut, suli danskit 300-t, aqqutissarsineqanngillat.

Isumannaallisaanissaq anguniarlugu Israeli nalunaarnissaa utaqqineqartoq, nunanut allanut ministeeriaqarfik nalunaarpoq. Taakua timmisartukkut umiarsuarmilluunniit angallanneqarnissaat aamma sulissutigineqarpoq.