Danskit timmisartortitseqatigiiffiat napparsimasunik Danmarkimut angallassissalissaaq
Timmisartortitseqatigiffiup pisortaa, nittartakkakkut Chech-in.dk-kkut tusagassiorfinnut nalunaaruteqarluni taama allappoq.
Nunatsinnit Danmarkimi Rigshospitalimut napparsimasunik angallassisarnissamik isumaqatigiissut, Air Greenland Nunatsinni peqqinnissarfimmut pingaarnertut isumaqatigiissuteqartoq suleqatigalugu anguneqarpoq.
Sun-Airillu pisortaata Kristoffer Sundbergip suliassaq nutaaq qilanaarivaa.
- Tatigineqarluta peruluttunik, soorlu inunngujaarsimasunik, kræftimik nappaateqartunik ajoqusersimasunillu Danmarkimi Rigshospitalimut angallassisartussatut toqqarneqarnerput soorunami assut tulluusimaarutigaarput.
Napparsimasunik angallassinerit ukiut 30-t isumaqatigiissutigineqarput, isumaqatigiissullu ukioq manna januaarip aallaqqaataanit atuutilerpoq.
Sun-Air of Scandinaviap tuluit timmisartortitseqatigiiffiat British Aiways suleqatigaa.