Danskit taasitinneqassanngillat
EU-mi aaqqissuusseqqinnissamut isumaqatigiissut pillugu danskit taasitinneqassanngitsut, ministeriunerup Anders Fogh Rasmussenip ullumi nalunaarutigaa.
Allattoq Elisa Isaksen
Oqartussaaqataanermik Danmarki tunniussinavianngimmat isumaqatigiissut pillugu danskit taasitinneqassanngitsut Anders Fogh Rasmussenip oqaatigaa.
- Lissabonimi isumaqatigiissut Folketingimit atortussanngortinneqarumaarpoq, ministeriuneq oqarpoq, nangillunilu:
- Europap ataatsimuulerseqqinnissaanut atatillugu suliassanik unammilligassanillu ulikkaarpoq. Europap ataatsimuulernissaanut Lissabonimi isumaqatigiissut tulluartuuvoq, Anders Fogh Rasmussen naggasiivoq.