Danskit sulisussarsiortarfiat nunatsinni
aggustip 31-at 2005 09:11
Nunatsinni suliffeqarfiit namminersortut pisortallu suliffeqarfiit ilinniarluarsimasunik sulisussaaleqisut, danskit sulisussarsiortarfiat Ramsdal A/S Nuummi immikkoortortaqarfiliornialersoq oqarpoq.
Ramsdal A/S nunatsinni kisiartaalluni taama sulialimmik immikkoortortamik pilersitsinialerpoq, ukiorpassuarnilu Nunatsinni suliassanik suliakkinneqartarsimallunilu naammassisaqartareersimavoq.
- Taamaattumik Kalaallit Nunaanni suliffissaqartitsiniarneq ilisimaarilluarparput, suliassallu suli amerlanerusut tigusinnaanissaat naatsorsuutigaarput. Ramsdalimi pisortaq Karl Erik Nielsen oqarpoq.
Ramsdal Nuummiittoq kalaallimik siunnersortimik ilinniagartuumik atorfinitsitsereerpoq, sulilu ataatsimik sulisussarsiorluni.
