Danskit suliffeqarfiini iluaaginarsinnaasumik ileqqoqalersimapput.
Uippakkajaarnermiit qimagulluni, sivisuumik aasaanerani sulinngiffeqartarnerit annikilleriarsimapput. Sulisinnaasut amerligaluttuinnartut sulinngiffeqartarnerat sivikilligaluttuinnarpoq.
Isumaqarnarpoq, sulisinnaasut akornanni, kissaatigineqarnerusoq akissarsiaqaatigaluni sivikinnerpaamik sapaatit akunnerini pingasuni feeriartarneq. Taamaanngilarli:
Ilaat sapaatip akunnerinnaa feeriarniartut ilaat sapaatit akunneri marluinnaat feeriassamaarput. Aamma ataaseq sulinngiffeqassamaannginnerarpoq.
Sulisarnermut inatsisit malillugu, ataannartumik sapaatit akunneri pingasut sulinngiffeqarsinnaaneq pisinnaatitaaffiuvoq, HK-miilli misissuinerit takutippaat, inuit sisamaagaangata, ataaseq sapaatit akunnerini marluinnarni sulinngiffeqartartoq.
- Annikippallaaqaaq, inuimmi qasuersaartarnissartik uippakkajaarunnaarallartarnissartillu pisariaqartittarpaat, taamannallu sivikitsigisumik sulinngiffeqartarniarunik ajorluinnarpoq, Svend Erik Hermansen, HK-mi konsuenti oqarpoq, nangillunilu: - Inuit suliffimminnut tunniusimavallaat suliffigisaminnit pinngitsoorneqarsinnaanngitsutut misigisimasarput, taamaammallu sulinngiffeqartarnitik sivikitsuinnaatittarpaat. Inuillu aqqusinermi apersorneqartut sivikitsumik sulinngiffeqartarnertik pillugu ima oqarput:
- Inuusuttuugama eqeersimaarlungalu, sivisunerusumik sulinngiffeqarnissara pisariaqartinngilara. Aperineqartoq alla akiligassaminik ernumasoq, feeriarnissamut akissaqannginnerarpoq.