Danskit sakkutuui tallimat Afghanistanimi ikilerneqarput
Qaartartoq miloriuttagaq qaarmat sakkutuut Danmarkimeersut tallimat Afghanistanimi ippassaq ikilerneqarput. Danmarkip Radioata nittartagaani taama allaaserinnittoqarpoq.
Allattoq Mads Lynge
februaarip 20-at 2009 05:22
Sakkutuut ikilerneqartut inuunermut navianartorsiunngitsut, Sakkutuut qullersaqarfiat ilisimatitsissutigaat.
Sakkutuut pingasut napparsimmavimmiit sakkutooqarfimmut angerlartinneqareerput, marlullu suliaritinnissartik pissutigalugu Danmarkiliaanneqartussanngorlutik.
- Qanorpiaq pisoqarsimanersoq paasiniarneqassaaq, qaartartorli miloriuttakkap qaartoorsimanissaa ilimanarpoq, sakkutuut naalagaavisa ilaat Henrik Sommer, aviisimut Politikenimut oqarpoq.
