Danskit sakkutuuat ikilerneqarpoq
Danskit sakkutuuat Irakimi Al Qurnah-imi misissuiartortilluni tunumigut illuinnarsuummik ullumi aallaaneqarsimasoq, Danskit sakkuuisa qullersaqarfiannit nalunaarutigineqarpoq.
Irakimi nalunaaqutaq 13.29-nngortoq sakkutooq aallaaneqarpoq kinguninngualu timmisartumik danskit sakkutooqarfiata napparsimmavianni passuneqalereerpoq.
Sakkutuup qanigisai kalerrinneqareerput. Sakkutuut oqaaseqartartuat oqarpoq sakkutooq sakkutuut napparsimmaviannut apuunnermini ilisimasimasoq erngerlunilu pilaavimmukaanneqarsimasoq.
Nunatsinni nalunaaqutaq 14.30-nngortoq danskit sakkutuuisa qullersaqarfianit nalunaarutigineqarpoq, sakkutooq ikilerneqartoq suli pilaavimmiimmat annertunerusumik paasissutissiisoqarsinnaanngitsoq.