Danmarkip ilaani Hundigep qimuttuitsunut unittarfiani qaartartumeerisoqalersoralugu uitsattoqalersimagaluarpoq, sunaaffali poortugaq qaartartumik imaqarsorisaq pinngussamik imaqartoq.
Illersornissamut upalungaarsimasartut qaartartunut tunngatillugu immikkut ilisimasallit Hundigep Politiivisa Hundigep qimuttuitsunut unittarfianut misissuisikkiartorsimavaat, qimuttuitsunut S-toginut ilaasut ilaat poortukkamik pasinapiluttumik nassaarsimanera tunngavigalugu. Pileriallarpaalligooq poortugaq taanna ilaasut ilaata qimattoorsimasaa karsimik pinngussamik imalimmik imaqartoq.
Politiit karsi taanna iliuuseqarfigerusussimanngilaat karsi puussiamut qernertumut poortorneqarsimariarluni tape-mik nipputtartumik nimertorluarneqarsimammat.
Qaartartunik ilisimasallit aggersarneqarnerisa saniatigut qimuttuitsunut unittarfik avungangaatsiaq assersorneqarsimavoq qimuttuitsullu S-toget unittussaagaluit allakkoortinneqartariaqarsimallutik qaartartoq qaariataassagaluarpat ajoquserneq annikinneruniassammat.
Qaartartuusorisaq akimut pitarlugu qinngortaammik qinngortarlugu sumik imaqarnera paasineqarsinnaasimavoq.