Danskit puisinik ikilisaanissaminnut piareerput

Danmarkip imartaaniittut sigguttuut ikilisarneqarnissaannut aaaqqiinerugallartoq, maanna piareerneqarpoq. nittartakkami www.netnatur.dk-mi tamanna allaaserineqarpoq.
Allattoq Karsten Sommer, Elisa Isaksen
marsip 05-at 2014 05:24

Danmarkimi Avataangisinut ministerinngorlaaq Kirsten Brosbøl aaqqiissutissamik qanittukkut piareersimatitaqalissaaq. Tamannalu pilluni Danmarkimi aalisartorpassuit puisit ikilisarneqarsinnaanerannik piffissami sivitsortumi ujartuereersullu. Puisimmi aalisartut qassutaat sequtsertarpaat aalisagarpassuarnillu nerisaqartuullutik.

Aaqqiissuteqarniarneq sivisuumik utaqqineqarsimavoq, ilaatigut uumasunik illersuiniaqatigiit, pisarnermissut Danmarkimi puisinik allanngutsaaliuisoqarnissaanik eqqissisimatitaaginnarnissaannillu ilungersuuteqarmata.

Maannali ministeri allappoq Pinngortitamik Qullersaqarfiup naliliineratigut puisinik sigguttuunik ikilisaanissaq akuersissutigineqarsinnaasoq, tassa tamanna sigguttuut nungutaanissamut aarlerinartorsiortinneqannginnerannik kinguneqassappat.

Aaqqiinerugallartoq marsi naatinnagu piareerneqarsinnaassasoq, ministeri naliliivoq.

Tamatumunngalu ilanngullugu allalluni Danmarkimi puisinik aqutsinermik pilersaarut tamarmi allanngortiterneqassasoq. Taamaattumik puisit qanoq aseruitigisarnersut aamma aalisarnermi atortunik puisinit aserorneqarsinnaanngitsutut taaneqartunik misileraaneq aallartinneqassapput.

Puisinik aqutsinissamik pilersaarutip nutaap 2016-imi piareerneqarnissaa naatsorsuutigineqarpoq. 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq