Danskit politikianni equngasoqartoq
Allaminut akuulersitsiniarnermullu ministerip Inger Støjbergip ministeriunermini nunami allamiunut tunngatillugu 50-issaannik sukaterinini kaagisornikkut nalliuttorsiorpaa.
Oqallingaatsiartoqalerporlu, tamakkumi nalliuttorsiutigineqarsinnaallutillu facebookikkullu allagarsiissutigineqarsinnaappat?
Allagarsiissut ullup ataatsip ingerlanera 8500-inik oqaaseqarfigineqarpoq, 28.000-init likesinik assiliartaliussaasartunillu kamattunik qisuariarfigineqarpoq, ministerillu nuannaartup assinga 4700-init siaruarterneqarsimavoq.
Qisuariarnerit
Støjbergip pingasunngornermi allagarsiissutaa Facebookimi arlalippassuit kaagitalinnik assinik ikkussuillutik qisuariaateqarfigaat.
Anna Mee Allerslevip, Københavnip suliffeqarnermut akuulersitsiniarnermullu borgmesteriata nunamut qimaasut suliffeqalersimasut 75 procentinngorsimanerat nalliuttorsiorpaa.
Danmarkip Røde Korsiani generalsekræterip Anders Ladekarlip, danskit politikerit akornanni nalliuttorsiuutiginninnerit akuuffiginiarpai. Taassuma inuit Syriami sorsuuffiusumiissimasut 2.4 millionit Røde Korsimit ukiuni arfinilinni ikiorneqarsimanerat nalliuttorsiorpaa.
Christiansborgimi SF-ip folketingimut ilaasortaatitaata Jacob Markip kaaginut tunngasoq ilanngussorfigineqarluartoq aamma akuuffiginiarpaa.
