Odense-mi Vollsmosemi musliimit ineqarfiisa nalaani najugallit inuusuttut qulingiluat qaartartumeerinertalimmik saassussinissamik piareersaateqarsimasutut politiinit unnuaq tigusarineqarput.
Tigusarineqartut ualip ingerlanerani eqqartuussivimmut parnaarunneqartussatut sassartinneqassasut politiit isertortumik paasiniaasartuini PET-mi politi mesteri Lars Findsen oqarpoq.
Peqqarniisaarniarluni saassussisarnernut atortorineqarsinnaasut tigusarinninnermi arsaarinnissutigineqarsimapput, taamaasillunilu saassussinissaagaluaq pinngitsoortinneqarpoq.
- Tigusarinninnerit ajornartorsiutitaqanngitsumik eqqissisimasumillu ingerlanneqarpoq, Lars Findsen oqarpoq.
Tigusarinninnerit Tysklandimi Danmarkimi peqqarniisaarnianut attuumassuteqanngitsut PET nalunaarpoq, angutillu taakkua tigusarineqartut tamarmik 30-it inorlugit ukioqarput.