Danskit partiivisa arlaqartut kinamiut suliarinninniarnerat ernumanartoqartikkaat

Politikerit danskit arlallit suliffeqarfik Kinamiut naalagaaffiata pigisaa, Nuummi, Ilulissani Qaqortumilu mittarfilortussanngorsinnaammat ernummatigaat. Tamanna tallimanngormat ukiumoortumik naalagaaffeqatigiinnermut tunngasunik Folketingimi apeqqarissaartoqarnerani ersersinneqarpoq.

Aalllaqqaasiullugu ministeriunerup, Lars Løkke Rasussenip ernummassuteqarnini saqqummiuppaa, naak Kiinamiut suliffeqarfiutaa toqqaannartumik taanngikkaluarlugu.

- Aningaasaliinissaq suleqatissanillu avataaneersunit toqqaanissaq, nunanut allanut politikkeqarnermut tunngaveqartutut isikkoqasinnaammat, Naalakkersuisut Kalaallit Nunaanni Naalakkersuisut oqaloqatigerusuppaat..

Dansk Folkepartimiit, Socialdemokratiniit, Liberal Alliancemiit Radikale Venstremiillu tamanna aamma ernummassutaavoq.

Aleqa Hammond, Nunatta Qitornai sinnerlugut Folketingimi ilaasortaasoq ernumassuteqartut isumai pitsaagaluaqisut qanoq iliornermut naleqqutinngitsutut nalilerpai.

Kinamiut Kalaallit Nunaanni aatsitassasiornermut nunallu aaqqissuussaaneranut tunngasunik soqutiginninnerat tikilluaqquaa, oqallinnerullu ingerlanerani danskit nammineerlutik Kinamut niiveqateqarnissamik Kinamiullu aningaasaliisinnaanissaannik annertuumik soqutiginninnerat taakkartorlugu.

- Kinamut tunngatillugu taamatut immikkoortitsineq uagutsinnut iluaqutaanngilaq. Danmarkip Kalaalliit Nunaanni suliarinnittussarsiuussinissamut akulerunnera akuerisinnaanngilara, Aleqa Hammond taama oqaaseqarpoq.

AAMMA ATUARUK Kinamiut sanaartugassinneqarnissaat Løkkep ernummatigigai

Oqallinnermili Løkkep Aleqap naammagittaalliutaa akueriumanngilaa:

- Marloqiusamik pingaartitsinerunngitsuusoq oqaatigaa, nangillunilu, Europami piffinni allani oqallisigineqartoq nunat allat nunap aaqqissuunnissaanut ”navianartorsiortitsinatik" qanoq aningaasaliisinnaanersut.

AAMMA ATUARUK Danmarkimi naalakkersuisut nunatsinni mittarfiliortiternissaq oqaloqatigiissutigerusuppaat

- Kalaallit Nunaanni inuiaqatigiit inerisarneranni, ingammik namminniilivinnissap anguniarnissaa siunnerfigineqartillugu imatut eqqarsaraanni: Namminiilivinnissarput navianartorsiortinnagu – allat uatsinnut piumasaqaateqalersinnissaata pilersinneqarneratigut, qanoq ililluta inerisaasinnaavugut.

Danskit naalakkersuisuisa aningaasaateqarfimmik aningaasaliisussumik pilersitseqataanissaq soqutigimmassuk erseqqissaassutigeqqippaa, taakkulu ataani Kalaallit Nunaanni nunap aaqqissuussanneranut aningaasaliinissaq. Kaammattuulli taanna Naalakkersuisuniit qisuariarfiginngilaat.

AAMMA ATUARUK Mittarfiliorneq pioreersunilluunniit atuiinnarneq aningaasaqarnermut assigiippoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat