Danskit palasii tapersersortinikkiartorput
Irak-imiut Danmarkimi nunasiniaraluarlutik itigartitaammata danskit palasii Hillerød-imeersut qulit akerliunerminnik takutitsiniarlutik pilersaaruteqartut maanna nuna tamakkerlugu palaseqataasa taperseraat, aviisi Kristeligt Dagblad allaaserisaqarpoq.
Januaarip arfernganni palasit akerliussutsimik takutitsiniarput taamalu irak-imiunut qinnussiniarlutik, palasillu allat akerliunermut tamatumunnga ilanngullutik nalunaarputtaaq.
Palasilli akerliussutsimik takutitsisoqarnissaanik aaqqissuisuusut nersualaarneqaannanngillat, illuatungaatigut ernumassutigineqarpoq ilagiit naalagaaffiup tapersersugarisai politikkilerilersutut isigineqalissasoralugit.
- Palasit kattullutik akerliussutsimik takutsinialersaarnerat politikikkikkut qinersisoqalerneranut eqqaanarpoq. Tamannalu imaassinnaavoq ilagiinnut naalagiartartunut qanganisarpaluttuusunut palasinik allanik perusulersitsilersoq, taamaattoqartariaqanngikkaluarporlu palasi Hans Erik Apelgren taama Kristeligt Dagblad-imut oqarpoq.
Irak-imiut Danmarkimut nunasiniartut pineqartut tassaapput, Irak-imiut 500-t Hillerødip eqqaani najugaqartinneqarlutik ukiut tallimat missaanni utaqqisinneqartut nunaminnilu sorsuttoqarmat nunaminnut utersinnaanngitsut.
