Danskit oqaasiinik ilinninernermut akiliisarnissaq akerlerineqaqisoq

Danskisut ilinniarfinnut akiliuteqalertalernissamik siunnersuutip tusarniaassutigineqarneranut akissutini, nunami allamiunut peqataasitsilernissamullu ministereqarfiup pissarsiarisaani akuersaartut akuttupput. Siunnersuut kalaallit savalimmiormiullu danskisut innuttaassuseqartuusut danskisut akeqanngitsumik ilinniarsinnaatitaanerannut aamma tunngavoq.

Tusarniaanermi akissuteqartut arlaannaataluunniit danskisut innuttaassuseqartut pinngilaat. Suliatigulli peqatigiiffiup FTF-ip Danmarkimi pisortani namminersortunilu sulisunut 450.000-inut sinniisuusup atuisut akiliuteqartalernissaasa nunani allamiut danskisut ilinniartarunnaartissagai ernumatigigaa tusarniaanermi akissutaani allassimavoq.

Tamanna kalaallinut savalimmiormiunullu suliffeqanngitsunut pisortaniillu ikiorneqarnissamik pisariaqartitsisunut pingaartumik tunngavoq. Tamanna Isumaginninnermik siunnersuisartut peqatigiiffianni Region Nordimi siulittaasup, Mads Bilstrupip itisilerpaa:

- Amerlasuut isumaginnittoqarfimmi qallunaatut oqalullutik saaffigininninnisamut nalorsartarput. Amerlasuutigut oqalutsit atortariaqartarpagut imaluunniit kalaallimik savalimmiormiumillu innuttaaqataasumik danskisut oqalussinnaasumik danskillu aaqqissuussaanerannut paasisimasaqartumik ilagisaqartariaqartarput.

Oqaatsinik pikkorissartut namminneq akiliuteqalernissaasa Danmarkimi isertitanut A-nut akileraarutit appartinnerisigut soraarnerusutisiassanullu akiliissutinut ilanngaatit annertusinerisigut aningaasartuutaasussat appartissavai.

Danmarkimi naalakkersuisut naapertorlugit danskisut pikkorissartut namminneq akiliuteqartalernertik kajuminnerulernerannik kinguneqassaaq. Tamatuma saniatigut naalagaaffik pikkorissartunut, takkunneq ajortunut taamaatiinnartartunulluunniit aningaasartuutinik sipaaruteqassaaq.

AAMMA ATUARUK Kalaallit akeqanngitsumik danskisut ilinniarsinnaanerat peerniaraat

Mads Bilstrupili naapertorlugu nammineq akiliuteqartarneq pingaartumik kalaallinut inuuniarnermikkut ajornartorsiuteqartunut killormuuanik sunniuteqassaaq.

- Ajoraluartumik isumaqarpunga danskisut ilinniarnissaraluaq aningaasaatikinneq pissutigalugu taamaatiinnartassagaat taamaalillutillu suliffeqalernissaminnut danskisut iluamik ilinniarsinnaassanatik. Taamaammat kajumissuseqarnerulernerup aningaasaartariaqarnertaa minnerulersinnavianngilaa – killormoortuanilli.

Danskit universitetiisa aamma ernumanartoqartippaat, tassalu nunami allamiut danskisut ilinniarnissaminnut 12.000 koruuneertalissappata Danmarkimi ilinniartartut ikinnerulissasut, ilisimatusarnerlu akornuerneqassalluni.

Danskit oqaasileriffiisa siunnersuut aamma akerlepaat.

AAMMA ATUARUK Danmarkimi oqalutsit kalaallit amigaataasut

AAMMA ATUARUK Danskisut ilinniarnissamut akiliuteqartitsiniarneq unitsilli

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat