Danskit nunanut allanut ministeriat Amerikami kujallermi ataatsimiittoq
Matumani neriuutigineqarpoq, Amerikami kujallermi qiterlermilu ataatsimiinnermi aappaagu Københavnimi Naalagaaffiit Peqatigiit silap pissusaa pillugu ataatsimeersuartitsinissaannut, nunarsuarmioqatigiit silap pissusaa pillugu isumaqatigiissutissaannut tapersiissummik pissarsisinnaanissaq.
Taamatut ataatsimeeqatigiinnermi ukioq allortarlugu ingerlanneqartartumi ukiormanna qulequtaritinneqartut tassaapput, piitsuussuseq, assigiinngisitsineq, nungusaataanngitsumillu ineriartortitsineq, tassani pineqarlutik avatangiisit, silap pissusaata allanngoriartornera nukissiuuteqarnerlu.
Danmark Amerikamut Qiterlermut Kujallermullu periusissamisut taasamini nunanut aalajangersimasunut attaveqarnerminik ineriartortitsivoq. Nunat pineqartut tassaallutik Argentina, Brasilien aamma Mexico. Nunanut allanut ministerip Amerika Qiterleq Kujallerlu danskit suliffeqarfiinut pilerinartutut taavai, aamma neriuutigaa, Amerikami Qiterlermiut Kujallermiullu danskit misilittagaannit ilikkagaqarsinnaassasut.
Silap pissusaa nukissiuuteqarnerlu pineqartillugit nunap immikkoortuisa taakku marluusut suleqatigiinnerunissaat pisariaqarpoq, soorlu ataavartunik nukissiuuteqarneq, nukissiuutinik atuilluarneq, Avatangiisit pillugit teknikki aamma naatitat uumassusillillu atorlugit ikummatissat pineqartillugit. Silap pissusaa pillugu 2009-mi isumaqatigiissusiornissamut Amerika kujallermiut qiterlermiullu tapersersuinissaat ataatsimeersuarnermi anguniarneqarpoq, Per Stig Møller oqarpoq.
