Danskit nipilersugaat YouTubemi ilaaleqqittut
Nipilersornermi pisinnaatitaaffiit pillugit kattuffik, Koda tusagassiuutinut taama paasissutissiivoq.
Danskit kalaallillu nipilersugaat danskit YouTubeanit qaammatini marlunni peeqqaneqarsimasut taamaalillutik ullumikkumit ikkuteqqinneqarput.
Kodap danskit kalaallillu taalliornermik erinniornermillu suliaqartut pisinnaatitaaffii aquppai, Googlemullu YouTubemik piginnittumut isumaqatigiissutip nutaap isumaqatigiinngissutigineqarnera pissutigalugu danskit kalaallillu nipilersugaat oktobarip ulluisa aallaqqaataannit peerneqarput.
AAMMA ATUARUK Googlep nipilersukkat Nunatsinneersut Danmarkimeersullu Youtubemiikkunnaarsikkai
Illuatungeriilli maanna isumaqatigiissummik isumaqatigiilerput, taamaalillutik danskit kalaallillu Kodamut ilaasortat nipilersugaat YouTubemi nassaassaaleqqillutik.
Kodalli Googlellu isumaqatigiinnginnerat kalaallit nipilersugaannut nunatsinniittunut eqquinngilaq.
Kalaallit erinarsugaat nunatsinnit YouTubemi suli isiginnaarneqarsinnaallutillu tusarnaarneqarsinnaasimapput, maannali Danmarkimit aamma tusarnaarneqarsinnaalerlutik.
