Nakorsaatip misileraaffigineqartup inunnut 90 procentinut sunniuteqartoq, amerikamiut nakorsaasiorfiata allap tassa Pfizerip sapaatit-akunnerata siuliani aamma nalunaarutigaa.Assi: Dado Ruvic/Reuters/Ritzau Scanpix

Danskit nakorsaatinut aqutsisoqarfiat: Coronavirusimut akiuussutissamik akuerisamik apriiliutinnagu peqalerataannaavoq

Danskit nakorsaatit pillugit aqutsisoqarfiata pisortaata, Thomas Senderovitzip, coronavirusimut akiuussutissamik akuerisamik Danmarkimi aappaagu qaammatit siulliit ingerlanerini peqalissasoq ilimaginerarpaa.

Coronavirusimut akiuussutissamik akuerisamik Danmarkimi aappaagu qaammatit siulliit pingasut ingerlaneranni peqalersimanissaa ilimanarsinnaavoq.

Nakorsaatit pillugit aqutsisoqarfiup pisortaa Thomas Senderovitz, nakorsaasiorfissuit piffissami kingullermi misileraanerisa inerneri takoreerlugit taama naliliivoq.

Amerikamiut nakorsaasiorfiisa ilaata Modernap misileraanerisa inernerigallagaasa takutippaat nakorsaat ineriartortissimasaat inunnut misileraaffiusunut 95 procentinut sunniuteqarsimasoq.

AAMMA ATUARUK EU coronavirusimut akiuussutissanik 200 millioninik pisinissamik isumaqatigiissuteqartoq

Akiuussutissanilli qaqugu tunniussisinnaalernissarput oqaatigissallugu suli siusippallaarpoq. Thomas Senderovitz taama oqarpoq.

Nakorsaatip misileraaffigineqartup inunnut 90 procentinut sunniuteqartoq, amerikamiut nakorsaasiorfiata allap tassa Pfizerip sapaatit-akunnerata siuliani aamma nalunaarutigaa.

- Akiuussutissatut nakorsaatit marluk taakku pillugit isumalluarpugut, Thomas Senderovitz oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat