Danmarkimi naalakkersuisut kalaallit meerartaannut inuusuttaannullu inooqataanikkut Danmarkimi ajornartorsiortunut 80 millionit koruuninik immikkoortitsiniarput.Assi: Paalu Møller/KNR

Danskit naalakkersuisuisa nunatsinnut ikiuinissamut aningaasaliinissaq siunnersuutigigaat

Danmarkimi naalakkersuisut kalaallit meerartaannut inuusuttaannullu inooqataanikkut ajornartorsiortunut 80 millionit koruuninik immikkoortitsiniarput. Inatsisissatut siunnersuut Danmarkimi naalakkersuisut saqqummiunnialersaarpaat.

Danmarkimi naalakkersuisut oqaaseqaataata, nittartakkap Altinget.dk-p allagaatinik takunnikkumalluni pissarsiarisimasaa aallaavigalugu aningaasat pineqartut satspuljenit, maanna atorunnaarsinneqarnikunut taarsiullugit, pissarsiarineqassapput.

Siunnersuummut atatillugu oqaaseqaat partiit assigiinngitsut isumaginninnermut tunngusunut Christiansborgimi oqaaseqartartuinut nassiunneqarsimavoq, partiillu naalakkersuisullu isumaqatiginninniarnissaannut tunngaviliissalluni. Altinget.dk taama allaaserisaqarpoq.

Aningaasat 80 millionit koruunit 2020-mit 2023-mut suliniutinut assigiinngitsunut atorneqarnissaat Danmarkimi naalakkersuisut siunnersuutigaat.

AAMMA ATUARUK Danskit isumaginninnermut ministeriat tikeraartoq: Nunatsinnut tapiissutaareersut 80 millionit koruuninik ilaneqarnissaat kissaatigigaa

Isumaginninnermut naalakkersuisup Martha Abelsenip danskiniillu suleqatigisaata Astrid Kragip nunatsinni meeqqanut inuusuttunullu atugarliortunut suliniuteqarnerit pitsanngorsarneqarnissaannut Danmarkip tapiissuteqarnissaa pillugu isumaqatigiissuteqaqqammerput.

Folketingimi partiit allat peqatigalugit aningaasat 80 millionit koruunit aningaasaliissutigisinnaassallugit neriuutigigini, Astrid Kragip nunatsinni tikeraarnermini oqaatigaa.

AAMMA ATUARUK Abelsen Kragilu atsioqatigiipput: Danskit meeqqanut inuusuttunullu tunngatillugu ikiuunnissaat qulakkeerpoq

Danmarkip naalakkersuisui 5,3 millionit koruuninik Tasiilami meeqqat kinguaassiutitigut atornerlunneqarsimasunut ikiuilertupallattartussanut siusinnerusukkut tapiissuteqareerput.

AAMMA ATUARUK Danmarki 5,3 millioner koruuninik Tasiilamut tapiissuteqartoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat