Assi: Hordaland fylkeskommune/Flickr

Danskit naalakkersuisuisa naalagaaffeqatigiinneq atuartitsissutissanngortikkusukkaat

​​​​​​​Danmarkip naalakkersuisui naalagaaffeqatigiinnerup meeqqat atuarfianni pinngitsoornagu atuartitsissutissaalernissaanut, amerlanerussusiisinnaasunik naapitassarsiorput.

Ministeriunerup naalakkersuisoqarfia taama nalunaarpoq.

"Naalagaaffeqatigiinneq" Danmarkimi Meeqqat Atuarfianni ilikkarniagassani maanna ilaavoq, kisianni tamatuminnga atuartut qanoq ilinniartinneqartigissanersut atuartitsissutaaneralu qanoq ittuussanersoq, atuarfiit ataasiakkaat ilinniartitsisullu ataasiakkaat namminneq naliligassaraat.

AAMMA ATUARUK Naalagaaffeqatigiinneq Danmarkimi atuartitsissutaalerli

Nunatsinni Savalimmiunilu oqaluttuarisaaneq kulturilu Danmarkimi meeqqat atuarfianni pinngitsoornani atuartitsissutaalissasut, Folketingimut ilaasortat nunatsinneersut arlaleriarlutik siunnersuutigisareerpaat.

Kingusinnerpaamik pisutut Peqatigiiffiit nunatsinnut attuumassuteqartut arlallit kalaallillu Danmarkimi illuutaat Folketingimut innuttaasut siunnersuutaannik saqqummiussillutik, naalagaaffeqatigiinneq atuarfimmi atuartitsissutaassasoq siunnersuutigaat. Taannalu meeqqat atuarfiat pillugu Folketingimi isumaqatigiissusiorsimasunit maanna oqallisigineqassasoq, Danmarkip naalakkersuisui nalunaarput.

AAMMA ATUARUK Naalagaaffeqatigiinneq pillugu immikkut ittunik ilikkagassatut anguniagalersortoqassanngilaq

Naalagaaffeqatigiinnerulli meeqqat atuarfianni pinngitsoornani atuartitsissutaasalernissaanik siunnersuut, Danmarkimi ilinniartitsisut kattuffiata naaggaareernikuuaa. Taakkua politikerit atuarnerup tulleriinnilersorneranut akuliunnissat kissaatiginngilaat.

Partiit isumaqatigiissuteqartuusut Meeqqat Atuarfianni iluarsaaqqinnissamik isumaqatigiissuteqartuupput, folketingimut ilaasortat nunatsinneersut ilaanatik.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat