Danskit naalakkersuisui Syriami meeqqanik ikiuiumannginnertik pillugu eqqartuussivilersuunneqalersut
Meeqqat qatanngutigiit tallimat Danmarkimeersut, qimaasut Syriami najugaqarfiisa ilaanni al-Rojimi najugallit, Danmarkip angerlartissanerai Danmarkimi eqqartuussiveqarfiup maanna aalajangiiffigisussanngorpaa. Danmark angerlartitsinissamut pisussaaffeqarnersoq eqqartuussiviup aalajangiiffigissavaa.
Peqatigiiffiup Repatriate The Children Denmarkip Danmarkip nunanut allanut tunngasunut ministereqarfia, taamalu Danmarkimi naalakkersuisut, maanna eqqartuussivilersuunnialerpai.
Aviisi Berlingske taama allaaserisaqarpoq.
Danmarkip meeqqat Danmarkimeersut 19-it qimaasut Syriami najugaqarfiinit angerlartissanerai peqatigiiffiup eqqartuussivilersuussisup sulissutigaa.
- Suliap massuma eqqartuussivitsigut suliarineqartariaqalernera uggornarpoq, piffissarmi annertungaatsiartoq taava atorneqassaaq, eqqartuussivitsigullu suliarineqarnissaa pinngitsoortinniarsarigaluaratsigu. Danmarkimili naalakkersuisut ilaqutariit pineqartut ikiorumanngilluinnarpaat, unalu tassaavoq periarfissaq kingulleq, Repatriate The Children Denmarkip eqqartuussissuserisua Knud Foldschack aviisimut oqarpoq.