Danskit ministeriunerat USA-miippoq

Danmarkip ministeriunera, Anders Fogh Rasmussen, USA-llu præsidentia, George W. Bush,aasarsiortarfimmi Camp Davidimi nalunaaquttap akunnera ataaseq isumaqatigiinniareerlutik tusagassiortunik ualeq katersortitsipput.

- Tusagassiortunik katersortitsineq nalunaaquttap akunnerata affaata missaanik sivisussuseqarpoq. Katersortitsivissaminnukarput narsaamaninnguakkut pisullutik, eqqissivillutillu oqaluttuarput suleqatigiissallutik isumaqatigiissimallutik. Kikkut tamat oqartussaaqataanerata ataannarnissaa sutigut tamatigut suleqatigiissutiginiarlugu isumaqatigiissimapput.

Assersuutigalugu Irakimi naalakkersuisut ikiorneqarniarput, kikkullu tamat oqartussaanerat atorlugu naalakkersuisoqarusuttut ikiorserneqassapput islamimillu ingasattajaarussillutik upperisallit akerlilersorneqassallutik. Zargawi ippassaq toqutaasoq, Buship assersuutitut taavaa, oqarluni soorlu inuit taamaattut, Steffen Gram oqarpoq nangillunilu:

- Tusagassiortunik katersortitsineq ataatsimut isigalugu amerikamiut danskillu suleqatigiissutaannik naqissusiinertut oqaatigineqarsinnaavoq. Præsidenti ministeriunerlu suleqatigiiginnarneq ajorlutik ikinngutigiilluarlutillu erseqqissaapput, Steffen Gram naggasiivoq.

USA-p præsidentia Danmarkillu ministeriunera tusagassiortunik katersortitsereerlutik cykilerput.