Danskit ministeriata nunarput tammaavaa
Danmarkimi Avatangiisit pillugit ministeri, Troels Lund Poulsen, aviisimut Berlingske Tidendemut oqarpoq, Kalaallit Nunaanni imartaanilu nunap assingi ima eqqunngitsigisut allaat Kalaallit Nunaat sumiippiarnersoq ullumi nalullutigu.
Allattoq Louise M. Kleemann
Nunat assingisa ilaanni sineriak 30 kilometerinik uniorneqarsimasoq, GPS atorlugu sumiissusersiutit nutaat takutikkaat, ministeri oqarpoq.
Taamaammat Nunat Immallu Assinginik Aqutsisoqarfik, sinerissap ikkarluillu eqqortumik sumiissusersineqarsinnaalerniassammata GPS naapertorlugu paasissutissat atorlugit, nunat immallu assinginik iluarsaalerpoq.
Upernavimmiit, nunap isuani, Ikerasassuaq tikillugu sinerissap imartattalu assiliornerat ukiut marluk ingerlanneqareerpoq, sulilu ukiuni arlalinni ingerlanneqarnissaa ilimagineqarpoq.