Pituffimmik sullissinissamut isumaqatigiissummut piumasaqaatissat pillugit Danmarkimi Kunngeqarfik USA-mik 2015-imili isumaqatigiinnialerpoq. Toqqorsivimmit assi.Assi: Inuit Ataqatigiit

Danskit ministeriat: USA Pituffik pillugu isumaqatigiissut suliariumannittussarsiuukkusuppaa

Pituffimmik sullissinissamik isumaqatigiissut USA-mi inatsisit tunngavigalugit suliariumannittussarsiuunneqartussaavoq. Danmarkip nunanut allanut tunngasunut ministeria Jeppe Kofod taama ilisimatitsivoq.

Illersornissaqarfiup nunatsinni qulimiguulinnik annaassiniarnissamut upalungaarsimasuunissaq maajimi suliarinnittussarsiuuteqqinngilaa. Kalaallit Nunaanni isumannaallisaaneq eqqarsaatigalugu taamaaliortoqartoq, Danmarkip illersornissamut ministeria, Trine Bramsen (S), ilisimatitsivoq.

Tassunga taarsiullugu Air Greenlandimut isumaqatigiissutit maanna atuuttut Danmarkip naalagaaffiata sivitsorpai.

Pituffimmilli sullissinissamut isumaqatigiissummut atatillugu taamaalisoqarsinnaanngilaq. Danmarkip nunanut allanut tunngasunut ministeria, Jeppe Kofod (S), Folketingimi ilaasortamut Aaja Chemnitz Larsenimut (IA) akissummini ilisimatitsivoq.

AAMMA ATUARUK Professori: USA-p millionilikkaanik aningaasaliinera kusanaatsuliornikuuneranik puigorsaataavoq

Qulimiguullimmi annaassiniarnernut atorneqartartut Danmarkip illersornissaqarfiata ataani inissisimapput, amerikamiullu Pituffimmik sullissisussaminnik namminneq toqqaasinnaallutik.

Tamannalu USA-mi inatsisit tunngavigalugit suliariumannittussarsiuunneqartussaavoq.

- USA-p suliarinnittussarsiuussinermut inatsisaa naapertorlugu suliarinnittussarsiortigani sullissinissamik isumaqatigiissusiortoqarsinnaanngitsoq USA-p oqaatigisimagaa, Jeppe Kofod ilisimatitsivoq.

AAMMA ATUARUK Ane Lone Bagger: Pituffik pillugu isumaqatigiissut USA-mik suleqateqarnitsinnut pingaaruteqarpoq

Danmarkimi Kunngeqarfik USA-lu Pituffimmi sullissinissamut isumaqatigiissummut piumasaqaatissat pillugit 2015-imili isumaqatigiinnialerput.

Folketingimi aalajangerneq naapertorlugu Danmarkimi Kunngeqarfiup Kalaallit Nunaata USA-p nunatsinni sakkutuuliineranit sapinngisamik annerpaamik iluanaaruteqarnissaa qulakkeerniassavaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat