Illersornissamut Ministeri Danskit issittumi illersornissaqarfiat nukittorsarneqassaaq

Issittup isumannaallisaaniarnermi tulleriiaarinermi pingaarnerit tallimarigaat, ministerip oqaatigaa:

- Sermip silap pissusiata allannngoriartornerata malitsigisaanik aakkiartuinnarnera pissutaalluni allanngoriartupiloortoqarpoq, Issittumilu isumannaallisaaniarneq aamma allanngoriartorluni. Taama ineriartortoqarnera pissutaalluni illersornissaqarfiup suliassai ukiuni tulliuttuni taamaammat nukittorsarneqassapput, patajaallisaaneq isumannaalisaanerlu nukittorsarneqassallutik, illersornissamut ministeri Trine Bramsen oqarpoq.

Partiit illersornissaq pillugu isumaqatigiissusioqataasut suleqatigalugit illersornissaqarfiup Issittumi suliassaanik nukittorsaaniarnermi isumasiorneqassapput, illersornissamulli aningaasaliiniarnermi ukioq manna januaarimi 1,5 milliardit koruunit ilassutigineqartut iluanni aaqqiisoqarsinnaanissaa neriuutigineqarpoq.

- Illersornissaqarfiup naalagaaaffeqatigiinnerup iluani toqqissisimanermik isumannaallisaaniarnermillu isumaginninnissaa pingaaruteqarpoq, Trine Bramsen, Jyllands-Postenimut oqarpoq.