Danskit isiginnaarnerulersimapput

Danskit pingasunik ukioqalereersimasut ilanngullugit agguaqatigiissillugu ullormut akunneri pingasungajaat atorlugit fjernsynimik siorna isiginnaarput.
Allattoq Lotte Holm
januaarip 08-at 2009 09:48

Ukioq 2007-imut sanilliullugu minutsinik 19-inik sivisunerusumik isiginnaarput.

Qarasaasianik internetimillu atuinerit annertusisimagaluartut danskit fjernsynimik isiginnaartarnerat sivitsorpoq.

Internetimik atuinerup annertulernerata kingunerisaanik fjernsynimik isiginnaartarnerup sivikinnerulersimaneranik tusagassiorfinnit arlaleriarlugu tusagassiarisarineqartaraluartoq killormut pisoqartoq paasineqarpoq. Danskit kisimik fjernsynimik isiginnaartarnerat sivitsorsimanngilaq, aamma Norge-mi USA-milu inuit fjernsynimik isiginnaartarnerat sivitsorsimavoq. Fjernsyn ulluinnarni inooqatitut danskinit isigineqarpoq. Siornatigut taamatut isigineqarsimanngilaq. Fjernsyn piuminartuuvoq. Piumaffigineqarsinnaanngilaq. Inunnik allanik qaaqqusisoqartariaqarani kisiat aliikkutsiullugu aviisi politiken taamatut allaaserisaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq