Danskit aviisiat: Greenland Contractors sakkutooqarfimmut akisuallaalersimavoq
Suliffeqarfik Namminersorlutik Oqartussanit MT Højgaardimillu pigineqartoq, ukiuni kingullerni isumaqatigiissummit 625 millionit koruuninik naleqartumit ukiumoortumik 150-180 millionit koruuninik sinneqartooruteqartartoq aviisip allaaseraa.
AAMMA ATUARUK Amerikamiut piginneqatigiiffiat allamit aqutaq ministeriaqarfimmit misissuiffigineqarsimanngilaq
Sinneqartoorutaasartut "ingasappallaartutut" isigineqarput, amerikamiullu sakkutuuisa Pituffimmi sakkutooqarfimmik ingerlatsisuusut suleqatissamik akikinnerusumik ujarlilersimanerannut pissutaarpiarunarluni.
Kiffartuussinissamik isumaqatigiissummut neqeroortitsinermi tamanna pivoq, amerikamiut suliffeqarfiutaat Exelis Service A/S ajugaasuulluni - ilaatigullu Greenland Contractors danskillu ingerlatseqatigiiffii allat marluk ajorsartinneqarlutik. Berlingske Tidende naapertorlugu, Greenland Contractorsip neqeroorutaanit ukiumut 100 millionit koruunit missaannik akikinnerusumik neqeroortoqarsimavoq.
AAMMA ATUARUK Suliffeqarfiit US Air Forcemut kiffartuussinissamut isumaqatigiissut pillugu maalaarput
Greenland Contractorsip isumaqatigiissummullu neqerooruteqartut danskit ingerlatseqatigiffii marluk, neqeroortitsinerup inernera amerikamiunut naammagittaalliutigisimavaat.