Danmarkip Serbiamut unamminerani 26-26-mik naligiinneq Danmarkip unammeqattaarnermi normu 9-nngorneranik kinguneqarpoq. VM-imi pikkorinnerpaat arfineq-marluk kisimik OL-imut anngunniunnissamut ingerlaqqittussaapput.Assi: Bo Amstrup/Ritzau Scanpix

Danskit assammik arsartartut OL-imut peqataasinnaanngitsut

Danmarkimi arnat assammik arsartartut Serbiamut unamminerminni 26-26-rlutik naligiipput. Danskit taamaalillutik nunarsuarmi pissartanngorniuunnermi ilaajunnaarput aappaagulu Tokyomi OL-ertoqarnissaanut peqataasinnaajunnaarlutik.

Danmarkip Serbiamut unamminerani 26-26-mik naligiinneq Danmarkip unammeqattaarnermi normu 9-nngorneranik kinguneqarpoq. VM-imi pikkorinnerpaat arfineq-marluk kisimik OL-imut anngunniunnissamut ingerlaqqittussaapput.

Anne Mette Hansen unamminermi ajugaatitsisinnaagaluarpoq, unamminerulli naammassinissaanut sekundialuinnanngortut isertitseriarnermini sukaq eqqorpaa isertitsinngitsoorlunilu.

Unamminermi ajorsarneq assammik arsartartunut, danskit assammik arsartartut kattuffiannut minnerunngitsumillu nunanut allanut unammisartut sungiusaasuannut, Klavs Bruun Jørgensenimut OL-imut anngunniussinnaalernissaq nunarsuarmi pissartanngorniuunnermi angusassani minnerpaaneraasimasumut ajorsarneruvoq.

AAMMA ATUARUK Danskit arnartaat assammik arsartartut franskinut ajugaasut

Assammik arsartartut OL-imut unammigiarnissaminnut piarfissamik ukiuni sisamani utaqqeqqittariaqarput. Taamanikkussamullu nunanut allanut unammisartut qassiiusut unammisartuujunnaareersimanissaat eqqoriarneqarsinnaavoq.

Danskit unamminerminni naligiikkunik ingerlaqqissinnaanaviarnatik ilisimavaat, Serbiamullu unammillutik naggataamik unamminerat pissannganarluinnarpoq, unammisummi tamarmik OL-imut periarfissaqarnissartik unammissutigaat.

Danmark 26-25-imut siaqqasoq serbiamiut sungiusaasuat isertitseriarluni saassussinissamut periarfissiilluni, unamminerup naammassinissaanut 36 sekundiinnanngortoq timeoutertitsivoq

Tassanilu Liscevic isertitsivoq, danskillu isertitseriarnissaannut suli sekundit 20-t periarfissaapput, Klavs Bruun Jørgensenillu unammisartut katersortippai. Sandra Toftilu allamik taarserlugu, Anne Mette Hansenilli sukaq isertitseriarnermini eqqorpaa, danskillu taamaalillutik ajorsarlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat