Danmarkimi uumasunik illersuiniaqatigiiffiit arlaqartut ataatsimoorlutik, taakkununnga ilaalluni WSPA, Christiansborgemi Kalaallit Nunaannut inigitinneqartumi tusagassiortunik ullumi katersortitsipput.
WSPA-p Danmarkimi immikoortortaani paasissutissiisartoq Lasse Bruun oqarpoq arfanniartarnerup eqquteqqinneqarnissaanut danskit naalakkersuisuisa ammasumik pissusilersornerisa isumaqanngilluinnartup malersorneqarnerulernissaa tusagassiortunik katersortitsinermut siunertaasoq.
- Minnerunngitsumik Danskit Japanimiunut maleruuniarsarinerat Kalaallit nunap inuiisut arffattassinneqartarnerannut innarleerujussuarsinnaavoq, Lasse Bruun oqarpoq.
Danmarkimi naalakkersuisut iluanaarutigalugu arfanniartaleqqinnissamut qaninniarnerat partiinit arlaqartunit isorineqarpoq.
- Taama iliorneq paasisinnaanngilarput, SF-imeersoq Steen Gade oqarpoq.
- Dansk Folkepartii iluanaarutigalugu arfanniartarnermut akerliuvoq taamaaginnassaagullu, Dansk Folkepartimeersoq Christian H. Hansen oqarpoq.
Radikalineersut isumaqarput arfanniartarnermut tunngasut nunat EU-mut ilaasortaasut allat isummernerannut ataqatigiissinneqartariaqartut.