Danskit angutitaat VM-imi bronz-innapput
Nunarsuarmi tamarmi assammik arsarluni pissartanngorniunnerit ualimut naammassipput, danskillu angutitaat bronzinapput franskinut ajugaallutik 34-eraaramik franskit 27-eraartut.
Unamminermi danskit aallartilluarput, minutsini siullerni 14-ini siuaqqaannavikkamik aqqanileraarlutik franskit sisamaraaginnartut.
Europami mesteriusut franskit, nunarsuarmilu pissartanngortussatut naatsorsuutigineqarsimagaluartut bronzinnanniunnermi ajornartorsiungaatsiarput.
Akerlianilli danskit unammisui aallartilluareerlutik ajugaanissaat ernumanartorsiortinneqanngilaq.
VM-imi unamminermi unammiffiusoq Tyskland nunarsuarmi assammik arsarluni pissartanngorpoq Polen-imut unamminermi 29-eraarluni ajugaasoq Polen 24-eraartoq