Danskit angutit assammik arsarlututik nunanut allanut unammisartut OL-imi kuultinnattut
Danskit angutit assammik arsarlutik nunanut allanut unammisartut OL-imi ajugaanniutivinnermi Frankrig ajugaaffigaat, OL-milu assammik arsarnermi kuultinnallutik.
Allattoq Ritzau
aggustip 21-at 2016 17:02
Nutserisoq Ivik Kristiansen
Frankrigimut unamminermi playmakeri Morten Olsen, ajuutsitsinaveersaartut qatanngutigiit, Henrik Toft René Toftilu, ajuuttaqattaartoq Kasper Søndergaard Mikkel Hansenilu pingaarnerpaajupput.
Danmark unamminerup aallarteqqammernerani ajornartorsiuteqaraluarpoq, 1-3-mik, 3-5-imik kingornalu 10-12-imik kinguarluni.
Muminnermili Danmark 16-14-imik siuarsimavoq.
Muminnerup kingorna Danmark arsarluarneruvoq, unamminerulli naalernerani Frankrigip nikingassut 24-26-mut annikilligaluarpaa.
Danskilli ajuutsitsinaveersaartui kingorna akiuulluataavipput, Danmarkilu 28-25-imik ajugaavoq, Mads Mensah kingulliulluni ajuuttuulluni.
Danskit assammik arsarlutik nunanut allanut unammisartuisa angutitai januarimi nunarsuami pissartanngorniunnermi peqataassapput.
