Danskit amerlanersaasa Savalimmiut ukiumut milliarderpassuarnik tapiiffigisarsorigaat

Savalimmiormiut folketingimut ilaasortaatitaata Sjúrður Skaalep, danskit 1000-it akornanni misissuisitsinera taamatut takutitsivoq, Politiken taama allappoq.

Apersorneqartut 48 procentiisa isumaqarput Savalimmiut ukiut tamaasa ikinnerpaamik 2 milliarder koruuninik ataatsimoortumik tapiiffigineqartartut. 8 procentit isumaqarput 10 milliarder koruunit sinnerlugit tapiiffigineqartartut. Kisitsisilli eqqortut tassaapput 633 millioner koruunit.

Sjúrður Skaalep misissuineq nalinginnaasumik pitsaasutut nalileraluarlugu, danskillu Savalimmiut pillugit nalinginnaasumik ilisimasaat iluarigaluarlugu, ataatsimoortumik tapiissutit pillugit eqqoriaanerminni taama uniuitiginerat tupaallaatigaa.

- Danskit Savalimmiunut taama aningaasartuuteqarsoritiginerat aningaasartuutaannartullu isiginninnerat ilimaginngikkaluarpara. Naalagaaffeqatigiinni taama eqqunngitsigisumik isumaqartoqarsimappat ajornartorsiutaassaaq, Politikenimut oqarpoq.

Misissuinermili danskit amerlanersaasa nunat Naalagaaffeqatigiinniittut kikkuuneri, Savalimmiullu nunap assingani sumiinnera niisarnamanerullu qanoq ingerlanneqartarnera ilisimavaat. Danskit 40 procentiisa Savalimmiut Naalagaaffeqatigiinniinnarnissaat kissaatigaat, 8 procentillui namminersulivinnissaa kissaatigalugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat