Danskit aallartitaqarfiat alla ikuallappaat
Akerliussutsiminnik takutitsisut unitsinniarlugit Beirutimi Libanonimiittumi ullumi eqqaassineqarpoq.
Naallu sakkutuut politiillu danskit aallartitaqarfiannik nakkutilliigaluartut akerliusorpassuit aallartitaqarfimmut isaasimapput, ikuallallugulu.
Danmarkip aallartitaqarfii ullut marluk ingerlanerini taamaasillutik ikuallatsitsiviupput, ippassarmi aallartitaqarfik Syriami Damaskusimiittoq ikuallanneqarpoq.
Jyllands-Posten-ip pruffiiti Muuamaat pillugu titartakkanik quisaarutinik sanatitsisimanera patsisigalugu taamaaliortoqarpoq.
Aallartitaqarfinnik saassussinerit nunanit tamalaanit kusanaagineqaqaat.
Syriami oqartussat isummaminnik ersersitsinngitsut Libanonimi premierminister Siniora oqarpoq nakuusernerit peqqarniisaarniarnerillu akuerineqassanngivissut, akerliussutsiminnillu takutitsisut pissusilersornermikkut islam ajortumik isigineqalersikkaat.
Beirutimi akerliussutsimik takutitsisut danskit aallartitaqarfiannik ikuallaanertik naammaginagu kristumiut najugaqarfiini kusanaatsuliorsimasut aamma nutaarsiassaqartitsivinnit oqaatigineqarpoq.
