Danskinngorlaat allamut nunaserusupput
Danskinngorlaat 1200 15 29-illu akornanni ukiullit paasiniaanermi TrygFondimit aningaasalersorneqartumi paasiniaavigineqarput. Paasiniaaneq qulequtaqarpoq ”Tryghed bland unge nydanskere” kalaallisut Danskinngorlaat inuusuttut akornanni toqqissisimaneq.
Danskinngorlaat ernummatigaat paasinnittaasertik naapertorlugu inuiaqatigiinnik islamimik upperisamik suusupaginnittuni, islamimillu upperisaqarnermik ajornartorsiutaasisitsisuni inooqataassallutik. Danskinngorlaat ammi qalipaataat, kulturertik upperisartillu patsisigalutik immikkoortinneqarnertik misigaat.
Taamatut misiginerit nunanut allanut nunaserisunneq aallartittarpaat. Amerlanerpaallu kingoqqiffitsik uterfiginiarpaat, imaluunniit nuna alla islam tunngavigalugu inuuffiusoq nunasiffigissallugu eqqarsaatigisarlugu. Paasiniaanerup ersersippaa danskinngorlaat peqatiminnit siunissamut ernummateqarnerusartut, ilinniagaqarsinnaaneq suliffissaqarsinnaanerlu ernumassutaanerpaasarput.
Siunissamulli ernumaneq ersarinnerugaluartoq danskinngorlaat inuusuttut peqatiminnit danskinit imminut tatiginerusarput. Eqqunngutsiliorfigineqarnerminni akerliliisinnaanerat sukkanerusumik pisarluni nutaanillu misigisassanik ujartuinerullutik.