Danskeq pokererluni nunarsuarmi pissartanngorpoq
22-nik ukiulik Peter Eastgate, Odenseminngaanneersoq, pokererluni nunarsuarmi pissartanngorniunnermik taaneqartartumi USA-mi Las Vegasimi ajugaaqqammerpoq. Aviisimi Politikenimi tamanna atuarneqarsinnaavoq.
Allattoq Louise M. Kleemann
Peter Eastgate World Series of Pokerimi peqataavoq, ajugaagamilu akissarsiassarai 53,4 millionit koruunit.
Pissartanngorniunnerit aallartimmata inuit katillugit 6844-t peqataapput, pissartanngorniutivittoqarmallu marluinnanngorlutik. Tassaappullu Peter Eastgate aamma russeq Ivan Demidov.