Anders Hofman Sikuiuitsoq Kujallermukannginnermini Svalbardimi sungiusarpoq. Assi: Project Iceman

Danskeq Ironmanimik Sikuiuitsoq Kujallermi nunarsuarmi siullersaalluni naammassisaqartoq

Danskip, Anders Hofmanip, ironman Sikuiuitsoq Kujallermi naammassimmagu nalunaaquttap akunneri atugai 72-it sinnerpai.

Triatlonertartoq Danmarkimeersoq, Anders Hofman Sikuiuitsoq Kujallermi ironmanimik taallugu unammisitsinermi peqataavoq naammassillugulu.

Sikuiuitsoq Kujallermut angalaqataasa tamanna Twitterikkut ilisimatitsissutigaat.

Ironman naammassiniaraanni immami 3,9 kilometerit naluttoqassaaq, 180 kilometeritullu isorartutigisumik sikkilertoqassalluni, taamaalereerpallu 42,2 kilometeritut isorartutigisumik arpattoqassalluni, tassa maratonertoqassalluni.

AAMMA ATUARUK Martin Møller Polar Circle Marathonimi ajugaasoq

Anders Hofmanip ironman Sikuiuitsoq Kujallermi naammassimmagu nalunaaquttap akunneri 72-it, minutsit 54-it sekundillu qulingiluat atorpai.

29-nik ukiulik Anders Hofman ironmanimik Sikuiuitsoq Kujallermi nunarsuarmi siullersaalluni naammassisaqarpoq.

Anders Hofman sakkortuumik anorlernera pissutigalugu sivisuumik unitsiartariaqartarsimavoq.

Taamaammat unitsiartarsimaneri eqqaassanngikkaanni nalunaaquttap akunneri atorsimasai 73-ngajaasunit ikinnerungaatsiarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat