Danskeq coronamut akiuussusertittoq siulleq kapineqarpoq

Danskit covid-19-imut akiuussutissamik kapitittut siulliit sapaatip ullaavani akiuussuserneqarput. Tamanna Danmarkimi utoqqaat illuini tallimani pivoq.

Danskeq nualluummit tunillanneqartoq siulleq qaammatit qulit matuma siornatigut tunillanneqareersorlu ullumi akiuussusiisoqarpoq.

Danmarkip akiuussutissat, EU-p ataasinngormat akuerisai, 9750-it arfininngornermi ullaakkut pissarsiarai.

Taakkualu Danmarkimi nunap immikkoortuanut tallimanut agguaanneqarput. Sapaammilu utaqqingaatsiarsimasut kapitillutik.

AAMMA ATUARUK Mette F nunatsinnut juullimut inuulluaqqussummi: Sumiiffiit ikittuinnaat corona pillugu ilissitulli taama pitsaatigisumik suliaqarput

Sapaatit akunnialui qaangippata nakorsaatip sunniuteqarluannginnerani kapiteqqissapput. Taamaalillutik marloriarlutik kapitissallutik.

Inuit napparsimalernissamut qaninnerusut kapitinniarlutik siuleriaani siullerniipput, taakkua utoqqaapput anigorsinnaanngisaminnillu nappaateqarlutik.

Akiuussutissamik napparsimmavinni utoqqaallu illuini sulisut aamma kapineqarput.

Taakkununnga sulisut ilaat immikkut toqqakkat, tassa inunnut napparsimasunut napparsimalernissaminnullu qaninnerusunut attaveqartut ilaapput.

Akiuussutissaq marloariarluni kapitereernerup kingorna 94 procentimik sunniuteqartartoq misiliinerit inerneraat.