Danskeq assammik arsartartoq ilitsersueqataassaaq

Danskit assammik arsaattartuat Kamilla Kristensen Fynimi GOG-mi kalaaleq assammik arsallammassuaq Jakob Larsen peqatigalugu Nuummi assammik arsarnermik ilitsersuissapput, taama Sermitsiaq.gl oqaluttuarpoq.
Allattoq Louise M. Kleemann
juunip 16-at 2008 12:02

Jakob Larsen tassaavoq Kamilla Kristensen aamma GOG-mi arsaattartumik isumaqatigiissuteqarsimasoq. Assammik arsaattartut taakkua marluullutik Nuummi assammik arsarluni ilinniarfik Nuummi ulluni 7. julimiit 11. julimut isumagissavaat.

-Assammik arsarnermut ilinniarfimmi 40-nut inissaqarpoq inissallu 75 procentii inuttassaqalereerput, Lillian Madsen Bjerge, NÛK-p assammik arsarluni immikkoortortaqarfianeersoq Nuup Kommuneanit tapiiffigineqarluni aaqqissuussisuusoq oqarpoq.

Siullermik pilersaarutaasimagaluarpoq danskit assammik arsaallutik målmandiat Peter Hendriksen ilitsersuisup aapparissagaa tamatumunnga peqatigitillugu målmandinut sungiusaasuussasoq. Danskilli angutit assammik arsaattartut OL-eqarnissaanut piareersaleruttorlutik.

94-imi, 95-imi, 96-imi 97-imilu inunngortut tassa assammik arsarnermut ilinniarfimmi peqataasinnaasut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq