Danskeq Algeriami toqutaavoq
Napparsimmavimmiit tusarfiit oqarput toqusut amerlanerusut, oqaramik 62-iusut. Tusarfiit aamma oqarput, ikiligaasut hornorujut missaanniittut.
Toqutaasunut ilaavoq angut danskiusoq, Naalagaaffiit Peqatigiiffiit Algeriami qimaasunut qullersaqarfiani, UNHCR-imi, sulisoq, Nunanut allanut ministeriaqarfik nutaarsiassaqartitsivimmut Ritzauimut taama ilisimatitsivoq. Naalagaaffiit Peqatigiit ilisimatitsipput Naalagaaffiit Peqatigiit nunarsuaq tamakkerlugu immikkoortortaqarfiini atorfillit katillugit aqqanillit qaartartumeerinermi toqutaasut, sulilu arlallit ujaarineqartut.
- Qularutiginngilara Naalagaaffiit Peqatigiit Algeriami allaffeqarfiat qaartartumeerfiginiarneqarsimasoq, TV-qarfissuarmut BBC-mut taama oqarpoq Naalagaaffiit Peqatigiit qimaasunut qullersaqarfiani kommissæri, Antonio Guterres.
Ippassaq qaartartumeerisut tassaapput islamisiortut akersuuttartut, qinoqatigiittartut, Salafistgruppen, taama ilisimatitsivoq Algeriami nunap iluani pissutsinut ministeri, Zerhouni, qaartartumeerisunngooq qunutitsillutik saassusseqattaartartunut al-Qaedakkunnut Afrikap avannaaneersunut atasuupput.