Dansk Polarcenter pisortartaarpoq

Allattoq Jaaku Lyberth
apriilip 20-at 2007 14:46

Peter Sloth, 53-inik ukioqartoq, juunip aallaqqaataani Dansk Polarcenterimi pisortanngortussanngorpoq. Danmarkimi angallannermik aqutsisoqarfimmi isumannaallisaanermi pisortatut atorfini qimattussanngussavaa, danmarkimi qimuttuitsut isumannaallisarneqarnerat akisussaaffigisimallugu.

Dansk Polarcenter-iillu allaaserineqarpoq, atorfinittussaq unamminartunik suliassaqaleruttorfiup nalaani atorfinittussanngortoq.

Minnerunngitsumik nunat tamat akornanni issittup ukiorititaani ukiuni aggersuni suliassat pingaarutillit Dansk Polarcenter-imut suliakkiunneqarnerisa nalaani atorfinittussanngornera unnerpaat.

Atorfinittussarlumi piukkunnarluartuuvoq, Peter Sloth-imi siornatigut issittumi ilisimatusarneq sammisareersimammagu.

Siornatigut Danmarks Tekniske Universitet-ip, tassa naalisarlugu DTU-mit ilisimatusarnissamut aningaasaliiffigineqarsimavpoq, ilaatigut immami misissuinerit ilaaffigisarsimallugit, taamaasillunilu Kalaallit nunaata imartaani, qalasersuullu imartaani misissuinermik sungiussisimalluarluni.