Assi: Arkivfoto

Ukiut 40-t qaangiutillartullu: Dansk Melodi Grand Priximi kalaallisut erinarsoqqitoqqassaaq

Julie Ninalu Dansk Melodi Grand Prix 2019-imut peqataalerpata, ukiuni kingullerni 40-ni aatsaat kalaallisut erinarsoqqittoqassaaq.

Kalaallit erinarsortartut Julie Berthelsen aamma Nina Kreutzmann Dansk Melodi Grand Prix 2019-imut Herningimi Boxenimi arfininngornermi februaarip 23-ani peqataasussanngorput.

Erinarsuut tuluttoortoq 'League of Light' unammissutigissavaat, taannalu ilaatigut aamma kalaallisut taallartaqarpoq.

- Nalungilarput aamma allaanerulaarumaartoq uagut tuluttut erinarsoriaratta, kisiannilu aamma kalaallisut erinarsorluta. Naluarput Danmark qanoq isumaqassanersut. Ilimagaara uanga assut soqutigissagaat kusagulugulu, kisianni nalunaqaaq, Julie Berthelsen KNR-imut taama oqarpoq.

Erinarsugassaat League of Light uani tusarnaarsinnaavat.

AAMMA ATUARUK Julie og Nina stiller op til Melodi Grand Prix

Rasmus Lyberth 1979-imi aamma taamaaliorpoq

Danmarkimili Melodi Grand Prixertoqarnerani aatsaat kalaallisut erinarsortoqalinngilaq.

Rasmus Lyberthimi 1979-imi aamma peqataavoq. Erinarsuut 'Ataatap qinnutaa' taamani unammissutigaa, peqataasunilu 17-iusuni normu 11-nngorpoq.

Allaaserisaq videop ataani nangippoq.

Rasmus Lyberth - Faders Bøn HQ

- Soorunalimi kalaallisut erinarsorniarpunga, aammalu sapinngisannik iliorniarlunga, Rasmus Lyberth AG-mit 1979-imi apersorneqarluni taama oqarpoq.

Kalaaleq erinarsortartoq nuimasoq alla, Aviaaja Lumholt, Dansk Melodi Grand Priximi aamma siornatigut peqataavoq.Tamanna 1990-imi pivoq, erinarsuullu 'Fordi jeg elsker dig' unammissutigaa. Peqataasunit quliusunit normut 6-inngorpoq.

 

Taamani peqataanera videomi ataaniittumi isiginnaarsinnaavat:

Aviaja Lumholdt - Fordi jeg elsker dig (Dansk Melodi Grand Prix 1990)

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat