Dansk Folkeparti tatamiiaarutissaanngilaq

Folketingimut ilaasortat Dansk Folkepartiimeersut isumaqarput, bloktilskudit ukiumut 500 mio.kr-nik ilanngarneqassasut, tamannalu demokratinit sakkortuumik qisuariarfigineqarpoq.

Nunanut allanut naalakkersuisoq Josef Motzfeldt isumaqarpoq Dansk folkepartiip siunnersuutaat ernummatissaanngitsoq.

- Dansk Folkeparti oqaallattorlu tamarsuatta tatammuttariaqanngilagut. Qujanartumik Dansk Folkeparti naalakkersuisunut tapersersuisuugaluarluni aaliangiisuusussaanngilaq, Nunatta Danmarkillu akornanni qanoq pissuseqarnitsinni. Uagut Naalakkersuisuni taanna ajornartorsiutitut isiginngilarput. Josef Motzfeldt oqarpoq.

Josef Motzfeldt aamma oqarpoq, isumaqatigiinniarnertaqanngikkaluartumik Danmarkimi Aningaasaqarnermut ministeri aalajangereersimasoq, bloktilskudip ullumikkutut ingerlaannarnissaa.

- Danskit suleqatiginerani ajornartorsiuteqalernissaa Naalakkersuisullu tamatta qamassavarput, pisariaqalissappat oqaloqatigiinneq pisariaqassaaq, aamma Danmarkip nunatsinnut aningaasaliisarnera inatsimmik toqqammaveqarpoq, imaaliallaannarlu allanngortinneqarsinnaanngilaq, Josef Motzfeldt naggasiivoq.