Danmarkip unammisassai ajorisassaanngillat
Nunarsuarmi assammik arsaalluni pissartanngorniuunnissami, Sverigemi aappaagu januaarimi pisussami, Danmarkip unammeqattaaqatissai siulliit ajoriinnagassaanngillat.
Allattoq Apollo Jeremiassen
juulip 09-at 2010 15:05
Ulrik Wilbekip arsaattussaasalu siullertut unammisassarisussanngorpaat nunarsuatsinni pissartaasimasut Kroatien, 2009-mi nunarsuatsinni pissartanngorniunnerni normu 2-nngortut.
Danmarkip unammisassaasa ilagaat Serbien, ukiut marluk matuma siornatigut taakku aamma unamminerit aallarnerlugit unammivaat, ajugaaffigalugillu.
Danmarkip unammisassaasa aamma ilagaat, Rumania, Australia aamma Algeria, taakkunanilu pitsaanerit pingasut mellemrundimut ingerlaqqittussaapput.
Danmarkip unamminera siulleq Malmö Arenami pissaaq, taanna 10.000-inik isiginnaartoqarsinnaavoq, danskillu amerlaqisut isiginnaariakaanissaat naatsorsuutigineqarpoq.
